Tifozat.com

KAOS NË TETOVË
Posted by EHO_1983 on 24/04/2009 01:07

Extended News

KAOS NË TETOVË

SHVERCERAT KAOS NË TETOVË
TENTIM KTHIMI I XHEBRAILAVE
TIFOZËT E “4-SHIT” PA UDHËTIME

Në ndeshjen kampionale të Ligës së dytë të Maqedonisë, në Tetovë ndërmjet Teteksit vendas dhe Sllogës (Shkupit) mysafirë, ndodhi ekses i madh ndërmjet dy grupeve, “Vojvodi” vendas dhe “Shvercerave” mysafirë që ndihmë kishin edhe “Ballistat” vendas, tifozë të Shkëndijës.

Shvercerat nga Shkupi për në Tetovë u nisën me tre busë të mbushur përplotë. Por, udhëtimi nuk doli ashtu siç ishte planifikuar. Që në punktin e parë të pagesës rrugore, njësia speciale e policisë kishte ndërprerë rrugën tifozëve shkupjan. Autobusët ishin të detyruar të kthehen mbrapshtë, përveç nja 40-50 personave që nuk u pajtuan me këtë kthim dhe me peripeci të shumta, me automjete tjera si me kombi-bus, auto-taxi dhe auto-stop, rrugës së vjetër dhe rrugëve të fshatrave anësore ia dolën që të arrijnë deri në stadium. Në stadium vinin kush para e kush më vonë përshkak rrugës që kishin zgjedhur dhe pengesave tjera që kishin bërë policia dhe lindja e stadiumit gradualisht u mbush me këta tifozë të padorëzuar dhe rreth 30 “Ballistë” (tifoz të Shkëndijës së Tetovës) që kishin vendosur ti përkrahin Shvercerat. Ndërsa kishte edhe 10 shvercera tjerë që ndaras me automjetet e tyre kishin mbërrit më herët në stadium. Po sa ishin futur shvercerat, filluan edhe sharjet nga ana e tyre në drejtim të rivalëve maqedonas, “Vojvodi”. Ndërkohë, maqedonasit duke parë që numër në atë moment ishin më të shumtë, nga tribuna qendrore afrohen tek tribuna anësore, por shpejt zmbrapsen nga sulmi i shvercerave (dhe ballistave) e ku po ashtu në këto momente në tribunë hyjnë edhe pjesa tjetër e shvercerave së bashku me një transparent të marrë më parë nga “vojvodi”. Dhe me të ekspozuar të këtij transparenti, maqedonasit sërish mësyjnë tribunën dhe fillojnë gjuajtjet e dyanshme me gurë e shvercerat sërish gjatë mësymjes së tyre ishin në prag të marrjes edhe të një transparenti tjetër, por kësaj here policia ishte ajo që i shpëtoi “vojvodet”. Pastaj nga ana e shvercerave u dogj transparenti i rrëmbyer në vitin 2006 dhe krejt kjo ngjarje u përcoll ftoftë nga ana e maqedonasve.
Pas përfundimit të ndeshjes, “vojvodët” dolën të parët nga tribuna deri sa shvercerave iu ishte mbyllur dera. “Vojvodët” filluan të sulmonin qytetar të thjeshtë dhe të thyenin dritare të shitoreve. Pësoj reaksioni i shcercerave dhe ballistave për të dalë nga tribuna, por s’ia dolën me që policia rezistoi fuqishëm. Atëherë u gjend alternativë ku dalja u bë përmes një deriçke të vogël që mund të dilje vetëm një nga një. Në rrugë pastaj ndodhën “granatime” gurësh ndërmjet dy grupeve me vështrim anash nga policia. Mësohet se disa “vojvodë” të ndarë nga grupi i tyre kishte pësuar keç pasi që ishin zënë edhe në oborre shtëpish duke tentuar të iknin. Krejt kjo rrëmujë zgjati diku 10 minuta, deri sa “vojvodët” me shpejtësi ikën në kuartin e tyre, ndërsa arena e përleshjeve la rrëmujë, vetura të thyera, më se 10 policë dhe 2-3 tifozë të hospitalizuar

Shkrimin ndihmuan edhe: Crazyalbaner, Hooligans

XHEBRAILAT NË TENTIM PËR TU ORGANIZUAR

Tifo-grupi “Xhebrailat”, tifozë të KF Ballkani dhe KB Ylli nga Theranda, menjëherë pas luftës ishin mjaftë të organizuar, por me rënien e sportit në qytezën e tyre kishte rënë edhe organizimi në grupin e tifozëve. Por, sivjet, skuadra e futbollit, Ballkani, është ndër mëtuesit kryesor që nga Liga e parë të kthehet në Superligën e futbollit të Kosovës. Kësaj here Ballkani takohej si mysafirë në Besianë (ish-Podujevë) kundër skuadrës vendase të Llapit. Xhebrailat kishin udhëtuar në numër solid, por me strukturë kryesisht të re, dhe kogja të kontestuar nga grupet tjera për këtë paraqitje të tyre. Shpresojmë që Xhebrailat shumë shpejt do ta avancojnë organizmin dhe do të jenë akoma më serioz dhe më solid në paraqitjet e tyre. Gjithsesi, të gjitha grupet tjera i urojnë shumë sukses këtij grupi dhe që sa më shpejtë ta shtoj akoma më shumë konkurrencën e tifo-grupeve në Kosovë.

“KATËRSHJA E MADHE” SËRISH NË SKENË

Përballjet në play-off bëri që sërish tifozët e katër skuadrave kryesore të basketbollit të paraqiten në këtë fund dhe mesjavë. Deri Shqiponjat edhe një herë dëshpëruan me paraqitje dhe fare nuk udhëtuan në Prizren, Arpaxhikët mire e kompensuan mos-shkuarjen e tyre në Pejë dhe megjithatë paraqitjen madhështore të tyre në fushën e vetë nuk ndihmuan dot klubin që të plasohet në finale. Akoma nuk dihet se a do të udhëtojnë në Pejë në ndeshjen kryesore që vendos finalistin.
Dhe deri sa Plisat munguan në paraqitjen e tyre në Mitrovicë, më së shumti për shkak vështirësive të jashtëzakonshme të sigurimit të transportit, Torcida disi u paraqit, por askush s’mund ti bije në fije se pse aq dobët, se pse ndodhi rrahja ndërmjet vete dhe pse grupi “North front ultras Torcida” u paraqit në tribunë tjetër. Pyetje këto që assesi s’po mund të gjejmë përgjigje realiste